Një aksident ka ndodhur pak minuta më parë në zonën e “Komunës së Parisit” në Tiranë.
Siç mund të shikoni në fotolajmin më sipër në aksident është përfshirë një automjet dhe një motor i efektivëve të Repartit “Shigjetat”.
Në vendngjarje ka mbërritur Policia Rrugore, për dokumentimin dhe zbardhjen e aksidentit, ndërsa uniformat blu gjatë reagimit për mediat kanë bërë me dije se nga aksidenti mbetën të plagosur 2 efektivët e policisë.
Siç shihet dhe nga pamjet e siguruara nga redaksia, efektivi i Policisë Rrugore është duke dokumentuar aksidentin, kurse më tej në krah të makinës qëndrojnë në këmbë dhe efektivët e Repartit “Shigjeta”.
“Më datë 26.06.2023, në kryqëzimin e rrugës “Medar Shtylla” dhe “Prokop Mima”, janë përplasur automjeti me drejtues shtetasin P. U., me motomjetin e Policisë me drejtues shtetasin A. Ll. Nga përplasja janë dëmtuar dy punonjësit e Policisë, drejtuesi i motomjetit inspektor A. Ll., dhe pasagjeri që ndodhej me të, inspektor E. P., të cilët ndodhen jashtë rrezikut për jetën”, njofton policia.
Grupi hetimor po punon për sqarimin e rrethanave të aksidentit.
