Pas caktimit të masës së sigurisë “arrest me burg” nga GJKKO, ish-kryebashkiaku i Kukësit, Safet Gjici është transferuar në paraburgimin e Durrësit.
Ai akuzohet për korrupsion pasiv nga SPAK, pas publikimit të pamjeve ku shfaqej duke kryer marrëdhënie seksuale me 40-vjeçaren Alma K. në zyrën e tij, dhe nga vazhdimi i videos kuptohej se kjo e fundit do të merrte në këmbim një projekt për sterilizimin e qenëve.
Vlen për të theksuar se në qelitë e godinës së paraburgimit të Durrësit, ndodhen edhe ish-kryebashkiaku i Durrësit, Vangjush Dako, ish-ministri i Mjedisit, Lefter Koka dhe ish-deputeti socialist Alqi Bllako. Nuk dihen ende arsyet pse dhe Gjici iu bashkua kolegëve të tij socialistë në të njëjtën godinë.
Gjatë seancës së sotme, mbrojtja e të pandehurve kërkoi masë më të lehtë sigurie, por që nuk u morën parasysh nga GJKKO. Safet Gjici mohoi akuzat ndaj tij para togave të zeza ku deklaroi: “S’ka asnjë procedurë të nisur për tender apo praktikë, skam bërë asgjë. U ndëshkova për atë gabim që bëra. E mora dënimin për atë veprim të turpshëm, rashë në kurth”.
Nga ana tjetër, për Alma K. u caktua masa e sigurisë “arrest shtëpie”. Para togave të zeza, ajo dha dhe arsyen pse sipas saj vendosi të kryente filmimin. E pandehura i ka qëndruar dëshmisë që ka dhënë më parë. Ajo ka deklaruara para gjykatësve se herën e parë që e ka takuar Gjicin ai e ka ngacmuar seksualisht. Në takimin e dytë ajo ka thënë se ka kryer marrëdhënie me dëshirë, por vendosi që ta filmojë.
“Jam viktimë, kisha projekt, merrem me qentë, kam 20 qenë në shtëpi. E xhirova pasi herën e parë kur e takova ai me ngacmoj dhe vendosa ta filmoj ne takimin e dytë”, mësohet të jetë shprehur ajo.
Alma K. nuk dha asjë prononcim për gazetarët pavarësisht interesit të treguar, madje mbuloi fytyrën me çnatë para hyrjes në gjykatë dhe pas daljes.
Urdhër-arresti për Safet Gjicin dhe Alma K. u lëshua pasditen e së Shtunës, ekzaktësisht 8 ditë pas publikimit të videos intime.
Duke qene se Safet Gjici ishte shumë i kujdesshëm dhe se nuk lejonte njeri në zyrë me çanta apo me celularë, kamerën e fshehtë Alma e kishte instaluar tek gota plastike e kafesë.
Gjatë momentit të kryerjes së aktit seksual, Alma e kishte vendosur gotën e kafes ku kishte kamerëmn në tavolinën përballë tyre, ku bëhen mbledhjet, ndërsa gjatë kohës që fliste me Gjicin për projektin e sterilizimit të qenëve, ajo e mbante në dorë.
