Ambasadorja amerikane në Shqipëri, Yuri Kim në një konferencë për shtyp me gazetarët, të fundit në pozicionin e saj si diplomate e SHBA-së në vendin tonë, është pyetur edhe në lidhje me aksionin e djeshëm të Policisë shqiptare, me urdhër të SPAK, në kampin e mjuxhahedinëve në Manzë.
Shefja e diplomacisë amerikane në Shqipëri doli në mbështetje të aksionit, teksa tha se qeveria shqiptare e ka vetë në dorë nëse duhet të vendosë që t’i largojë muxhahedinët nga Shqipëria apo jo. Yuri Kim shtoi se mbështet, të drejtën e Shqipërisë për të zbatuar ligjet e saj.
“Ky është një vendim që duhet ta marrë qeveria shqiptare. Një gjë është e qartë ne mbështesim të drejtën e Shqipërisë për të zbatuar ligjet e saj në vendin e saj. Ka gjithashtu kushte të caktuar të cilat duhet të zbatohen për çdo lloj mysafiri në vendin tuaj dhe kështu duhet të bëjnë edhe ato për ju, t’ju zbatojnë.”– tha Yuri Kim
