Policia e Tiranës ka shpallur në kërkim 4 persona, të cilët kanë tentuar të grabisin një biznes privat me dhunë.
Blutë bëjnë me dije se ngjarja ka ndodhur në orët e para të mëngjesit të sotëm, në rrugën dytësore Tiranë-Durrës, ndërsa hajdutët ende nuk janë identifikuar.
Grupi hetimor ka sekuestruar pamjet filmike dhe vijon punën nën drejtimin e Prokurorisë për zbardhjen dhe dokumentimin e ngjarjes.
Policia e Tiranës/ Informacion paraprak
Më datë 04.06.2023, rreth orëve të para të mëngjesit, në rrugën dytësore Tiranë-Durrës, 4 persona ende të paidentifikuar, kanë tentuar të vjedhin me dhunë në një biznes privat (biznes për prodhimin dhe shitjen e betonit).
Për shkak të reagimit të shërbimit privat të sigurisë dhe mbështetjes dhe reagimit të menjëhershëm të Policisë, personat nuk kanë mundur të realizojnë vjedhjen dhe duke përfituar nga errësira janë larguar.
Grupi hetimor ka sekuestruar pamjet filmike dhe vijon punën nën drejtimin e Prokurorisë për zbardhjen dhe dokumentimin e ngjarjes, identifikimin dhe kapjen e autorëve të dyshuar.
