Bashkia e Tiranës, sipas Sekretarit të Përgjithshëm të PL, Tedi Blushi, paguan çdo ditë 100 mijë euro për konceionarin e inceneratorit të kryeqytetit, por kjo nuk përkthehet aspak në efikasitet për shërbimin e pastrimit të qytetit.
Blushi ka publikuar në rrjetin social Facebook një video nga zona e sheshit “Ëillson” në Tiranë, e cila është pushtuar nga mbeturinat dhe koshat janë të tejmbushur.
“Ky mal me mbetje urbane, i padenjë për çdo qytet modern në vitin 2023, gjendet në një nga sheshet kryesore të Tiranës, pikërisht në Sheshin “Wilson”. Ndërkohë 100 mijë euro po paguhen në këto momente që filmojmë këtë video, për inceneratorin e Tiranës që nuk ekziston, kryeaferën korruptive të kandidatit për qeli të “Rilindjes”, Erion Veliaj, që shpërdoron taksën e pastrimit dhe mbyt kryeqytetin nga mbeturinat!”, shprehet Blushi në denoncimin e tij.
Më tej ai bën thirrje që në zgjedhjet e 14 Majit, të votohet për “pastrimin e Bashkisë së Tiranës nga plehrat!”.
