Shqipëria nuk po gjen qetësi. E ndërsa rrugët e vendit janë përgjakur thuajse në 24 orë me 5 viktima, një tjetër aksident ka ndodhur pak më para në rrugën Kardhiq-Delvinë.
Mësohet se dy automjete janë përplasur me njëra-tjetrën pranë fshatit Zenelaj.
Nga të dhënat e para mësohet se nuk ka pasoja në jetë njerëzish, por vetëm të lënduar lehtë dhe dëme materiale.
Dyshohet se shkak i aksidentit është bërë mosrespektimi i rregullave të qarkullimit rrugor.
Policia ndodhet në vendin e ngjarjes.
