Një aksident tragjik ka ndodhur mbrëmjen e sotme në kryeqytet te mbikalimi pranë rreth-rrotullimit të TEG-ut, ku janë shënuar dy viktima.
Një automjet tip “Audi” ka çarë barrierat e rrugës dhe ka rënë nga mbikalimi në aksin rrugor poshtë tij, duke aksidentuar aty një tjetër makinë tip “Honda”.
Për pasojë, vajzat që ndodheshin në automjetin tip “Audi” kanë humbur jetën, ndërsa i plagosur rëndë ka mbetur drejtuesi i këtij automjeti.
Policia e Tiranës ka dhënë një tjetër njoftim në lidhje me aksidentin tragjik, ku ka sqaruar dhe dinamikën e plotë të ngjarjes.
Ndërkohë viktimat nuk janë identifikuar ende.
Saktësim mbi informacionin paraprak të dhënë pak minuta më parë.
Rreth orës 17:55, në rrethrrotullimin pranë qendrës tregtare “TEG”, ka ndodhur një aksident rrugor ku janë përfshire automjeti tip “Audi” dhe automjeti tip “Honda”.
Referuar mekanizmit dhe të dhënave paraprake dyshohet se automjeti tip “Audi” me drejtues shtetasin K. R., vjeç 24, ka qenë duke udhëtuar ne unazën lindore me drejtim levizje nga Farka per tek rrethrrotullimi pranë Teg, dhe pasi ka humbur kontrollin, duke thyer barrierat rrethuese te mbikalimit, ka përfunduar në autostradën Tiranë-Elbasan, duke aksidentuar automjetin tjetër tip “Honda”, me drejtues shtetasin me iniciale Q. K., rreth 60 vjeç.
Si pasojë e aksidentit rrugor kanë humbur jetën dy shtetase të pa identifikuara akoma, të cilat ishin pasagjere ne automjetin “Audi” si dhe ka mbetur i dëmtuar rëndë drejtuesi i këtij automjeti, si dhe shtetasit A. K., 51 vjeç, O. K, 24 dhe Q. K, rreth 60 vjeç, që udhetonin me automjetin tjetër.
