Një ngjarje e rëndë ka ndodhur mbrëmjen e djeshme në Greqi, ku një grup shqiptarësh prej 7 personash janë përleshur me njëri – tjetrin, teksa kanë qenë në një kafe.
Si pasojë e përplasje me armë mes tyre, u vra aksidentalisht një tjetër shqiptar, që nuk kishte lidhje me grupin.
Sipas informacioneve nga mediat greke, gjithçka ka nisur prej një grupi prej shtatë shqiptarësh të cilët ende pa u ulur mirë në kafene kanë nisur të debatojnë.
Pas debatit të shtatë dolën në rrugë jashtë kafenesë dhe njëri prej tyre nxori armën duke qëlluar, ku për pasojë mbeti i vrarë një tjetër shqiptar, i cili siç u konstatua nuk kishte lidhje me grupin.
Pas ngjarjes, grupi prej 7 personash është zhdukur në drejtim të panjohur, ndërsa policia ndodhet në vendin e ngjarjes.
Efektivët kanë gjetur një makinë tip xhip, që dyshohet se i përkiste njërit prej anëtarëve të grupit, por ashtu janë gjetu edhe shtatë gëzhoja dhe një plumb pistolete.
