Katër milionë euro nga taksat e shqiptarëve do të shpenzohen për të ndërtuar instalacioni “Kopshti i Parajsës” në oborrin e brendshëm të kryeministrisë.
Kryetari i Partisë Demokratike Sali Berisha ka reaguar për abuzimin e kreut të qeverisë, Edi Rama.
“Për bastardin e xhelatëve të shqiptarëve Koleka-Rama, varfëria në Shqipëri nuk ekziston! Ndaj dhe ai vendos, për të kënaqur syrin dhe xhepin, të blejë instilacionin e drurit për 4 milionë euro, për oborrin e zyrave të tij! #sb”, shkruan Berisha në FB.
Rama deklaroi se sa i përket instalacionit prej druri ai “nuk bëhet fjalë për një vepër arti, por një projekt energjie të rinovueshme vetëm për mjedise punë”.
Në lidhje me këtë tender ka shkruar dhe Boldnews.al. Në dokumentat zyrtare, të publikuara në mënyrë periodike dhe të shpërndara në kohë të ndryshme nga institucionet qeveritare, tregojnë se instalacioni dhe projekti i energjisë së rinovueshme janë dy çështje të ndryshme, të cilat i bashkon vetëm vendi ku do të zbatohen-ambjenti rreth selisë së kryeministrisë.
Instalacioni duket se është thjesht një trill luksoz i kryeministrit për të krijuar një oaz të gjelbër në Tiranën e betonizuar. Një investim që do të gllabërojë rreth 4 milionë euro buxhetit të shqiptarëve.
