Kreu i Partisë Demokratike, Sali Berisha i ka dhënë një mesazh të qartë policisë së shtetit.
Gjatë fjalës përballë protestuesve, Berisha theksoi se qytetarët që kanë dalë në shesh nuk duhet të provokohen nga uniformat blu, pasi siç thotë lideri i demokratëve, nëse ndodh kjo atëherë policia do të ketë probleme serioze.
Berisha nënvizoi se protestuesit janë të qetë duke shprehur garancinë për fitoren në zgjedhjet e ardhshme.
“I bëj thirrje policisë mos bëjë asnjë provokim. Ne jemi protestues të qetë, s’ka dhunë. Dua t’i them policisë se provokimin e parë që do të bëni do të keni probleme serioze. Edhe dy fjalë shkon për policët të cilët duhet të zhvendosen tek trau në hyrje të Kuvendit, jo këtu tek rruga. Policia po bëhet bunker i krimit, bunker i dhunës ndaj qytetarëve. Protesta jonë është paqësore, është revoltë, është komunikim, është forcë, nuk ka forcë më të madhe se ajo e qytetarëve. Forca nuk është vetëm dhuna, revolucioni ynë do të fitojë, rroftë Shqipëria, fitore…fitore”, tha Berisha gjatë fjalës së tij përmbyllëse.
