Kryeministri Edi Rama i shmanget sërish përballjes me opozitën për çështjen ““Mc Gonigal”, teka seanca plenare e planifikuar për tu zhvilluar ditën e Enjte është shtyrë.
Seanca e nesërme nuk do të zhvillohet. Njoftimi është bërë nga zyra e shtypit pra Kuvendit: “Ju njoftojmë se, sipas kalendarit të punës së Kuvendit, të enjten, në datën 9 shkurt, nuk do të zhvillohet seancë plenare. Kjo javë është ‘javë e gjelbër’ dhe deputetet janë në zonat zgjedhore për takime me zgjedhësit. Për seancën plenare të radhës do të keni një njoftim tjetër”.
Shtyrja e seancës është cilësuar në raportime mediatike si një skemë e mazhorancës për të shtyrë përballen e kryeministrit Edi Rama me opozitën në parlament, për çështjen “Mc Gonigal”.
Rama zgjodhi të mos ishte prezent edhe në seancën e fundit parlamentare, ku çështja e ish-agjentit të FBI-së dhe lidhjet e tij me Shqipërinë dhe kreun e qeverisë shqiptare ishin kryefjalë e diskutimeve. Në atë seancë, e shoqëruar dhe me tensione, Rama ia delegoi ministres për Marrëdhëniet me Parlamentin Elisa Spiropali, interpelancën me opozitën.
Gjatë mbrëmjes, ai u shfaq në lidhje me video në tre emisione televizive, duke u rrekur të justifikonte pozicionin e tij në këtë çështje, megjithatë argumentat nuk ishin bindëse.
Duke iu referuar akt-akuzës së autoriteteve amerikane, opozita denoncon se Rama ka paguar Charles McGonigal për të ngritur iniciuar në SHBA një hetim ndaj ish-lobistit të PD-së në atë kohë, Nik Muzin.
Së fundmi, kryetari i PD-së Sali Berisha ka denoncuar se ish-zyrtari i FBI-së në Nju Jork ka takuar edhe prokurorë të SPAK, të cilëve u ka kërkuar arrestimin e tij.
