Gjashtë shtetas shqiptarë të akuzuar për përfshirje në veprimtari kriminale në fushën e narkotikëve, pastrimit të parave dhe mashtrimit kompjuterik janë ekstraduar nga Emiratet e Bashkuara Arabe drejt Shqipërisë.
Konkretisht bëhet fjalë për shtetasit: Kristo Qirici alias Jetmir Hoxha alias Jetmir Qirici, Shkëlzen Kraja, Ilir Lazri alias Ilir Sula, Aleks Pepaj alias Shkëlqim Pepaj, Devit Patrut alias Elidon Skendaj alias Devid Boraj alias Fatmir Pepaj dhe Merxhan Çeliku.
Sipas autoriteteve, ata akuzohen për trafikim të lëndëve narkotike dhe pastrim të produkteve të veprimtarisë kriminale, vepra të kryera në kuadër të grupit të strukturuar kriminal.
Ndërkohë, Merxhan Çeliku, 34 vjeç, akuzohet për mashtrim kompjuterik, po në kuadër të grupit të strukturuar kriminal.
