Kreu i Partisë Demokratike, Sali Berisha ka kërkuar nga Kuvendi që të ndëshkojë gjuhën e shthurur të kryeministrit Edi Rama ndaj opozitës.
Në fjalën e tij në Foltore, Berisha thotë se Rama është treguar ordiner, referuar fjalorit që ka përdorur pasditen e sotme gjatë debateve të ashpra me deputetin e Partisë Demokratike, Gazment Bardhin. Berisha shtoi më tej se ofendime të tilla mund të bëhen shkak për konflikte të shumta.
“Ky është jashtë çdo morali, të çdo etike, shpërthen me një fjalor të padenjë, të një ordineri, të garantoj që parlamenti do të ketë zhvillime të paparashikueshme, ju e lejoni atë të shfryjë si ordiner kundër deputetëve të Opozitës. Unë e kuptoj që ai është brutal dhe i dhunshëm në krahun e tij, në mbledhjen e qeverisë, në takimet e ngushta, por këto janë brenda familjes tuaj, kur shtrihen në Opozitë, mund të bëhen shkak të konflikte të shumta. Ndaj, duhet t’i jepni fund tolerancës ndaj një njeriu që përdor një fjalor të tille dhe shndërron këtë foltore në një tualet të gojës së tij. Kjo nuk është zgjidhja, zgjidhja është t’i mbyllësh gojën një ordineri. Zonja kryetare, po e çoni parlamentin drejt katastrofës,”- thotë Berisha.
