Një operacion antidrogë është zhvilluar mëngjesin e sotëm në Itali nga Drejtoria e Hetimit Antimafia. Nga operacioni i forcave italiane kanë rënë në pranga 14 persona, mes të cilëve 5 ishin shqiptarë dhe 9 italianë.
Në këtë operacion u sekuestruan 2300 kg drogë përfshirë mariuanë, kokainë dhe heroinë. Si rrjedhim, operacioni i privoi shoqatat kriminale të ardhura të vlerësuara në mbi 15 milionë euro për një total prej rreth 7 milionë doza të vetme që mund të merren nga pikat e shitjes me pakicë.
Operacioni, në mars 2018, kishte çuar në certifikimin e dy organizatave të fuqishme dhe të dallueshme kriminale , që vepronin në Bari dhe provincën e tij, me degëzime si dhe në Shqipëri, në Siçili, Kampani, Kalabri dhe Abruzzo.
Këto organizata importonin sasi të mëdha lëndësh narkotike nga Shqipëria në rrugë detare. Të dyja organizatat kriminale kishin lidhje në Itali me organizata delikuente puliane përgjegjëse për detyra logjistike dhe në Shqipëri me organizata të tjera kriminale.
