Ministri i Brendshëm Saimir Tahiri konfimon se deputeti i PD-së Gent Strazimi dorëzoi sot armën që iu shfaq gjatë protestës tek Parku i Liqenit,
Deklarata e ministrit Tahiri u bë pas takimit që ai zhvilloi me drejtorët e policisë.
“Lajmi i mirë është që e dorëzoi sot pistoletën të paktën nuk vazhdoi të jetë në paligjshmëri shpresoj të na kursejë në të ardhmen ai dhe e gjithë çeta skenat e tubimeve ku dhunohen punonjësit e policisë dhe deputetët mbajnë armë me vete.”- deklaroi Ministri i Brendshëm.
Tahiri shtoi gjithashtu se i kishte njoftuar kryetarin e Kuvendit Ilir Meta dhe deputetët për detyrimin që kanë për të dorëzuar armën kush mban.
“Të gjithë janë njoftuar nomanilisht dhe duhet ta dorëzojnë, Është detyrim absolute. Na duhet një opozitë e paarmatosur. Ligji i ri në asnjë rrethanë nuk parashikon mbajtjen në trup të armës. Ndalon në mënyrë kategorike mbajtjen e armëve në trup edhe në protesta përveç forcave speciale të policisë, kjo si përgjigje pse forcat e policië ishin me pistoletë. Ti dorëzojnë armët sepse nuk i duhen asnjeriu. Na duhet siguria dhe nuk arrihet duke pasur deputetë që mbajën armë në brez”- shtoi më tej Ministri i Brendshëm.
