Kryetari i PD-së, Sali Berisha ka reaguar pas takimit që zhvilloi me kreun e Partisë së Lirisë, Ilir Meta më herët gjatë ditës.
Në një postim në rrjetet sociale, Berisha shkruan: “Sot, së bashku me sekretarin e përgjithshëm të PD z. Flamur Noka, zhvilluam një takim me kryetarin e Partisë së Lirisë, ish Presidentin Ilir Meta dhe Nënkryetarin e kësaj partie, Dr. Petrit Vasili. Në këtë takim u diskutua gjerësisht për koordinimin e përpjekjeve tona të përbashkëta për mbrojtjen e interesave të qytetarëve shqiptarë nga regjimi i Edi Ramës”.
“Bashkëpunimi elektoral, parlamentar dhe në të gjitha fushat ishin çështje për të cilat u diskutua me frymë të plotë mirëkuptimi”, shton ai.
