Kryeministri Edi Rama nuk ndalet duke sulmuar opozitën.
Kreu i qeverisë gjatë takimit me simpatizantë të Partisë Socialiste nga Vlora hodhi sërish “baltë” ndaj opozitës, ndërsa Lulzim Bashën nuk e përfshiu në atë që ai e quan “fatkeqësi e madhe e vendit”. Më tej Rama tha se Lulzim Basha s’ka qenë asnjëherë në krye të PD-së, dhe se pas saj ka qenë gjithmonë Sali Berisha.
“E kujtoni kur thoja ‘Luli ndahu nga ata të dy’. Luli s’është më, ata të dy janë. Për fatkeqësinë e madhe të këtij vendi ata janë vazhdim i mallkimit që ka nisur kur këtu në Vlorë ka nisur shteti shqiptar që nga 1912. Nuk ka pasur Lul ndonjëherë. As Luli vetë nuk e beson se ka pasur Lul ndonjëherë”, tha Rama.
Kujtojmë që disa ditë më parë Edi Rama shpërtheu me ofendime në seancën në Kuvend ndaj opozitës ndërsa nuk u morr asnjë masë ndëshkimore për kryeministrin.
