Deputetja e Partisë së Lirisë, Monika Kryemadhi ka mohuar të ketë kryer operacione plastike.
Në studion e “A2 CNN”, Kryemadhi u pyet në lidhje me paditë në SPAK dhe akuzat për operacione plastike për të cilat kishte një përgjigje epike. Ajo inkurajoi SPAK-un që të hetojë veprimtarinë financiare të familjes së saj, ndërsa pohoi sulmet politike ndaj saj dhe familjarëve.
“Paditë e mia në SPAK janë për operacionet plastike, që akoma nuk i kam bërë, se kur t’i bëj do t’i bëj live që të rrisim edhe klikimet. Megjithatë unë e inkurajoj SPAK-un që të hetojë çdo veprimtari financiare timen, të Ilir Metës, fëmijët e mi, familjarët e mi dhe udhëtimet e pagesat e mia. Se vetë familja ime për shkak të pozicionit dhe sulmeve politike kemi qenë të detyruar të përdorim kartat e kreditit dhe llogaritë bankare dhe këtë duhet ta bëjnë të gjithë se duam apo jo teoria e Ramës për t’i bërë të gjithë pis ka funksionuar”, tha Kryemadhi.
