Është gjetur trupi i një djali tetë vjeçar i cili ishte zhdukur pasi nëna dhe vëllai i tij u gjetën të vdekur më parë në një pellg të Kanberrës.
Policia ACT në Australi po kërkonin që nga e shtuna për Pranav Vivekanandan në ujin e pellgut Yerrabi dhe shkurret përreth në Gungahlin në veri të Kanberrës.
Ata gjetën trupat e nënës dhe vëllait të Pranav të shtunën. Hetuesit më vonë gjetën një automjet nga një parking aty pranë.
“Mjerisht, djali tetë vjeçar të cilin e kemi raportuar si të zhdukur dje, është gjetur i vdekur në pellgun Yerrabi,” tha policia ACT në një deklaratë të dielën.
Policia tha se hetimet për vdekjet ishin në vazhdim, por ata nuk besonin se ndonjë palë tjetër ishte e përfshirë.
Det Supt Hall O’Meagher u tha gazetarëve të shtunën se policia po bënte hetime me familjen e të ndjerit, shkruan The Guardian.
“Mendimet tona shkojnë tek ata dhe gjithashtu tek policia reaguese që është dashur të përballet me këtë rrethanë tragjike,” tha ai.
