Kreu i Partisë Demokratike ka komentuar deklaratën e bërë publike nga grupi Alibeaj-Bardhi, të cilët kërkuan të dalin me kandidatët e vet në zgjedhjet lokale të 14 majit.
Berisha tha se statuti i votuar nga demokratët në 11 dhjetor 2021 është Kushtetuta e pathyeshme e Partisë së Rithemeluar.
Berisha shtoi se ky statut përbën themelet e fitores në zgjedhjet e 14 majit, por para saj leksionet historike që do të marrë çeta e vjedhësve, hajdutëve të Edi Ramës nga qytetarët shqiptarë
“Statuti i 11 dhjetorit është kushtetuta e pathyeshme e PD-së së Rithemeluar. Statuti është jashtë çdo lloj kompetence për tu shkelmuar. Ai është dokumenti bazë i PD-së në momentet kur ajo ndodhej përballë alternativës ‘të ishte apo jo’. Është themeli i saj, mbi të cilën është ngritur kjo forcë politike sot, më e fuqishme se kurrë dhe më e fuqishme se çdo forcë politike.
Është ky statut që përbën themelet e fitores në zgjedhjet e 14 majit, por para saj leksionet historike që do të marrë çeta e vjedhësve, hajdutëve të Edi Ramës nga qytetarët shqiptarë.
Sot unë kam një takim me kryetarët e degëve të PD-së së Tiranës, për të dhënë udhëzimet dhe për të bërë diskutimet për përgatitjet për protestën e jashtëzakonshme.
Ju nuk mund ta imagjinoni se sa zien sot në të 4-anët e vendit urrejtja ndaj Edi Ramës dhe bandës së tij, u shpreh kreu i PD-së, Sali Berisha gjatë një deklarate për gazetarët tek selia blu.”– deklaroi Berisha.
