Kreu i Partisë Demokratike, Sali Berisha ka njoftuar se protestat e opozitës nisin më 12 nëntor.
Në një konferencë për shtyp, Berisha tha se pjesë e protestës nuk do të jetë vetëm Partia Demokratike dhe Partia e Lirisë, por edhe parti të tjera opozitare.
Siç u shpreh ish-kryeministri, në 12 nëntor do të nisë beteja kundër regjimit më të urryer, ku të gjithë shqiptarët do të bashkohen, pasi në të katër anët e Shqipërisë po bien sirenat e alarmit.
“Opozita, PD dhe PL dhe forca te tjera opozitare nisin me daten 12 nentor betejen e madhe kunder regjimit te urryer, regjimit te narkoshtetit te pare dhe te vetemnne Europe, te partise shtet, regjimit te Edi Rames. Ne te kater anet e Shqiperise po bien sirenat e urrejtjes bga monizmit te Edi Rames. Po bien sirenat e analarmit ndaj jrndjet katatstrofale te krijuara nga vjedhjet e fondeve dhe pasurive publike te qytetareve shqiptare. Ka pasur dhe ka një interes të jashtëzakonshëm për protestat dhe përballjet me regjimin e partisë-shtet. Unë kam besimin më të madh se të rinjtë, të rejat e Shqipërisë, që ndodhen në vend dhe ata që janë larguar për shkak të pamundësisë së tyre për të përballuar jetën në Shqipëri, burrat dhe gratë e këtij vendi, do bashkohen në protestën më të madhe që ka njohur Shqipëria më 12 nëntor, për t’i dhënë përgjigjen e merituar, Edi Ramës dhe klikës së tij në pushtet”, tha Berisha.
Kreun e qeverisë, Berisha e cilësoi një armik të egër të votës së lirë, plaçkitës i paskrupullt përmes shtetit elektoral, patronazhistëve të kuq dhe bandave kriminale e parave të drogës.
“Ky është një armik i egër i interesit të shqiptarëve. Se cili është Edi Rama e ka marrë vesh çdo shqiptar në Shqipëri dhe jashtë. Deklaratat e tij se do zëvendësojë punëtorët shqiptarë me punëtorë të marrë nga Bangladeshi, në të vërtetë trafik i turpshëm i qenieve njerëzore, deklaratat e tij se nuk do lejojë në universitete nxënësit me nota të ulëta, se do marrë jashtë studentë, deklaratat e tij se ikin, por fajin e ka Gjermania, janë dëshmi e zbatimit nga ana e tij të politikës së Vaso Çubrolloviçit. Nga viti 2014 deri më sot, janë larguar nga Shqipëra 27 përqind e materies shqiptare. Nuk ka luftë civile që në një hark kohor të tillë të shkurtër, të ketë larguar nga vendi 27 përqind të kombit apo shoqërisë”, shtoi Berisha.
“Edi Rama është një antishqiptar i pakorrigjuar. Në samitin e fundit në Pragë, padroni i tij Vuçiç do i drejtohej audiencës: kam 17 vite që përpiqem me udhëheqjen politike të Kosovës dhe nuk arrij asnjë marrëveshje, ndërkohë me sivllaun tim binjak, Edi Rama biem dakord në çdo gjë dhe merremi vesh për çdo gjë. Ky është Edi Rama për çdo shqiptar. Pra në çdo plan ky nuk meriton të qëndrojë në pushtet asnjë ditë. Ky meriton të largohet një minutë e më parë. Pas Enver Hoxhës, ky është armiku i dytë më i madh i njeriut, qenies, votës, buxhetit familjar, buxhetit shtetëror dhe të gjithave me radhë”, deklaroi kryetari i PD-së.
