Kreu i Partisë së Lirisë Ilir Meta me anë të një postimi në FB, ka deklaruar se ndërsa popullit i kërkohet të shtrëngojë rripin, “Rilindja” e Ramës vazhdon të shtojë pagesat për vjedhjen e inceneratorëve.
“Ndërsa popullit i kërkohet të kursejë dhe shtrëngojë rripin, “Rilindja” e Edvin Ramës vazhdon të shtojë pagesat për vjedhjen e shekullit, atë të inceneratorëve, por edhe koncesionet e tjera korruptive”,shkruan ish-presidenti.
Meta shkruan se prioritet i rilindjes është krimi dhe jo arsimi.
“Për të plotësuar kërkesat modeste të pedagogëve dhe studentëve “Rilindja” e ka të pamundur sepse prioriteti i saj është krimi dhe jo arsimi”, vazhdon Meta.
Kreu i PL, shprehet se partia e tij përkrah kërkesat e ligjshme të pedagogëve e studentëve.
“Partia e Lirisë përkrah kërkesat e ligjshme të pedagogëve e studentëve dhe shpreh bindjen në triumfin e kauzës të tyre për një arsim cilësor, që i jep fund largimit të pedagogëve dhe studentëve nga vendi”, shkruan Meta.
