Detaje të reja janë publikuar në mediat italiane për grabitjen e banesës së yllit të Juventusit, Angel Di Maria. Mësohet se një prej të arrestuarve është shqiptar. Grabitësi shqiptar i arrestuar mbrëmjen e së enjtes nga oficerët e policisë që penguan një grabitje në vilën e futbollistëve të Juventusit, Angel Di Maria dhe Dushan Vlahovic është 31 vjeç dhe ka një histori të gjatë me precedentë penalë.
Një goditje e studiuar tërësisht, e tentuar nga një bandë grabitqarësh të specializuar në sulmet ndaj shtëpive të futbollistëve, të cilët, megjithatë, nuk kishin marrë parasysh shërbimet e parandalimit të organizuara nga komisioneri Vincenzo Ciarambino.
Komanda e grabitësve përbëhej nga 4 persona që mbërritën në Corso Alberto Picco, pranë parkut të Villa della Regina, në bordin e një Alfa Romeo Stelvio Quadrifoglio e regjistruar në emër të një biznesi me qira, por e gjetur e vjedhur dhe me targa të falsifikuara.
Shoferi mbeti në bord, ndërsa tre burra me xhaketa sportive dhe kapele bejsbolli u ngjitën në një shkallë që të çonte në shtëpinë e dy yjeve “bardh e zi”, ku deri në sezonin e kaluar jetonin Aron Ramsej dhe Rodrigo Betankur. Ata ndoshta u fshehën pas një gardh dhe prisnin mbërritjen e makinës të Di Marias, i cili kaloi nëpër portë rreth orës 19:30.
Pak çaste më vonë një kamerë video survejimi i filmoi ata teksa kalonin rrugën për t’u ngjitur mbi gardhin e ulët, por pajisjet inteligjente private që ruajnë vilën e kampionit argjentinas 24 orë në ditë kanë vënë re lëvizjet e dyshimta në kopsht. Alarmi në qendrën operative të komisariatit ka qenë i menjëhershëm dhe janë aktivizuar procedurat e sigurisë.
Di Maria u kthye në shtëpinë e tij dhe u dërgua në një dhomë të sigurt dhe në më pak se 4 minuta tre makina nga zyra e parandalimit të përgjithshëm, së bashku me agjentët e ekipit Mobile, mbërritën në Corso Picco. Një patrullë ka kapur tre grabitësit që po iknin para portës. Njëri arriti të humbiste menjëherë gjurmët, ndërsa dy të tjerët rrëshqitën në kopshtin e një vile tjetër dhe zbritën nga skarpata për të arritur në makinën e përgatitur për arratisje, por gjetën rrugën e bllokuar nga një patrullë tjetër.
Ata u arratisën në këmbë dhe 31-vjeçari shqiptar u arrestua në Corso Quintino Sella pas një ndjekjeje të shkurtër dhe një përleshjeje të dhunshme. Prokurori Bucarelli e akuzoi për 8 krime, nga tentativa për grabitje deri te plagosja, duke kaluar në rezistencë.
Bashkëpunëtori u largua me vrap, ndërsa personi i katërt në timonin e Stelvios tentoi të përplaste një agjent, i cili u detyrua të qëllojë dy të herë në ajër. Makina fuoristradë u përplas dhe më pas në një makinë të parkuar, por shoferi arriti të shpëtonte . Brenda Stelvio u gjetën çanta, radio me dy drejtime, një telefon celular dhe bravë.
