Sekretari i Përgjithshëm i PD-së, Flamur Noka, në emisionin “Të Paekspozuarit”, duke folur për aksionin e opozitës që kishte premtuar një shtator të flaktë, tha se opozita është në aksion politik, duke forcuar strukturat dhe duke bërë betejë në parlament. Ai mohoi edhe ndarjet e thella në PD, duke thënë se ishin bërë përçapje për të bashkuar partinë.
“Aksioni politik i opozitës ka një synim, forcimin e PD-së dhe të gjithë opozitës në përballje me regjimin dhe fitoren e zgjedhjeve lokale. Kjo është shumë e thjeshtë. Protestat janë një nga elementet e aksionit politik që do të jetë në vjeshtë. Unë e kuptoj që padurimi është që mirë do ishte të kishim filluar që në filim të shtatorit, por pa as më të voglin diskutim, e theksoj se janë një nga elementet e aksionit politik.
Ne jemi në aksion politik. E gjithë opozita është në aksion politik. Aksioni politika ka të bëjë me aksionin në terren, forcimin e strukturave, betejave në parlament.
Nuk është çfarë pranoj unë e çfarë nuk pranon ti, në një forcë politike është se çfarë pranojnë anëtarët dhe votuesit sepse partia ata janë anëtarët e partisë ata që kanë votuar mua dhe të gjithë ata që përmendët, kolegët e mi, për deputetë, janë Partia Demokratike. Kush mendon se PD është ajo që cakton Edi Rama dhe e nxjerr në televizor dhe jep atribute, e ka gabim.
Detyra jonë është që t’i bëjmë të gjithë së bashku dhe ne nuk kemi reshtur as nuk reshtim në këtë pikë. Dora jonë është e shtrirë ndaj çdo demokrati, padiskutim ndaj kolegëve tanë dhe ndaj çdo qytetar që është kundër Edi Ramës dhe kërkon t’i shkurtojë ditët këtij regjimi. Kjo është e padiskutueshme si devizë e PD-së nën drejtimin e Sali Berishës.
A kemi bërë përcapje? Pa as më të voglin diskutim. Që nga data 6 mars dhe në vazhdim jemi në kontakt të përditshëm me kolegët tanë deputëtë për t’u thënë që vendi juaj është te votuesit, vendi juaj është te zgjedhësit, pra vendi juaj është në PD, duhet të jemi bashkë sepse aty është partia. Kjo nuk ka për t’u ndalur, dera e hapur, po kjo nuk do të thotë që PD mbetet peng i asnjë lloj agjende përveçse agjendës që i kanë përcaktuar demokratët, anëtarët e partisë dhe votuesit.
