Kreu i grupit parlamentar të PS, Taulant Balla ka folur mbi lajmin e publikuar ditën e djeshme ku pretendohej se Rusia kishte financuar PD-në gjatë vitit 2017.
Gjatë fjalës së tij në foltoren e Kuvendit, Balla tha se diçka të tillë e kishte thënë vazhdimisht në vitin 2017 dhe askush nuk e besonte. Ndërsa shtoi se provë për ato që kishte thënë sa u takon financimeve ruse, ishin edhe protestat e Bashës që shfaqeshin sipas tij në televizionet ruse.
“Ik plaku Mere me gjithë tepsi dhe tosunbaç. Kur dërgjon Saliun të flasë për korrupsionin është njësoj si të dëgjosh djallin të flasë për mëkatet. Sot humbi tjetër mundësi ë të fillojë të tregojë mëkatet e veta. Përpara se të shkoj te marrëveshja besoj se ndjej si detyrim tëthem dy fjalë për një çështje që prej ditësh ka rimarrë vëmendje. Për financimin e Rusisë për parti politike dhe media. T’ju them të drejtën shumë prej jush këtu, edhe plaku Mere që iku, kur unë e kam thënë këtë në vitin 2017, sa herë keni thënë se Taulanti ja fut kot.
Vlerësimi im është që ne nuk jemi imunë. Shpresoj që gjykata e Lartë ta zhbëjë vendimin e dhënë nga ky gjyqtari L.S që ju ka mbyllur çdo çështje të pistë. Kur ishit me Lulin thatë nuk është e vërtetë, tani thoni është e vërtetë. Është koha të marrim nismat ligjore tek ligji i partive politike. Si është ajo shprehja “dëgjuam krisma”. Ja pra e vërteta është se paska pasur krisma. Sa kohë të pretendoni se do bëni parti me një non-grata, udhë e mbarë ju qoftë, se do vijë një ditë që do hani njëri-tjetrin. Saliu po bërtet më shumë për këtë çështje. Thënë gjitha këto mendoj se detyra e kuvendit në këto sfida të reja, nuk mendoj se ka qenë rastësi që protestat e Berishës dhe Bashës jepeshin live në Rusi “live nga Tirana, po ndodh çudi e madhe, Saliu dhe Luli kanë mbledhur 400 njerëz në shesh”, tha Balla.
Ndërkohë kryetari i Partisë Demokratike, Sali Berisha i ka bërë thirrje Komisionit Europian që të kushtëzojë fondet për qeverinë shqiptare të cilën e akuzon se po vjedh taksapaguesit shqiptare dhe ata evropianë.
