Qeveria është e zhytur në korrupsion në çdo sektor, shprehet Klevis Balliu, shef i Organizimit në PD, duke referuar një email të publikuar sot nga mediat, ku ish-deputeti socialist Sadri Abazi, i ankohet Edi Ramës për tenderat korruptivë në ARSSH.
“Korrupsioni ka arritur shifrat alarmante ku pas demoncimeve të opozitës apo dhe organizmave ndërkombëtar tashmë ndodh edhe ajo që nuk imagjinohej.
Ish deputetët e Edi Ramës ngrenë alarmin për korrupsionin në projektet rrugore të Shqipërisë.
Mund të duket çudi por edhe Sadri Abazi ka ngritur alarmin për klientelizëm në këtë sektor ndërsa akuzon Autoritetin Rrugor Shqiptar se përdor skema korruptive dhe abuzuese në shpalljen e fituesve të tenderave për mirëmbajtjen e disa akseve të ndryshme rrugore.
Pikërisht për këtë çështe ai i ka shkruar një email të gjatë Kryeministrit, i cili është zbardhur në mediat, dhe ku flet për abuzime në tendera, në nprocedura dhe në përzgjedhjen e kompanive fituese”, shkruan Balliu.