Të shtëna me armë zjarri në Kurbin. Ngjarja ka ndodhur mbrëmjen e sotme, ndërsa nga të dhënat e para mësohet se nga një automjet është qëlluar në drejtim të një automjeti tjetër.
Nga të dhënat e deritanishme mësohet se atentati është bërë ndaj Ylli Brahimi, 47 vjeç, dhe Klisman Preçit, 27 vjeç.
Fillimisht u raportua se dy personat mbetën të pajetë si pasojë e atentatit, ndërkohë që tashmë thuhet se ata kanë shenja jete dhe pritet të transportohen drejt spitalit të Traumës në Tiranë.
Në vitin 2021, Ylli Brahimi, i shpëtoi një atentati në qendër të qytetit ku mbeti i plagosur. Në ngjarjen e ndodhur 1 vit më parë, ndaj Brahimit u qëllua nga një motor, ndërsa ai njihej si një biznesmen, me lidhje të afërta shoqërore me Ervis Martinajn.
Gjithashtu Klinsman Preçi, 27 vjeç, ka qenë objekt i një atentati pak kohë më parë.
Policia ka mbërritur në vendngjarje dhe po bën ekspertizën për zbardhjen e shkaqeve të ngjarjes së ndodhur. Mësohet se në vendngjarje janë gjetur 100 gëzhoja.
