Janë identifikuar dy autorët të cilët dyshohet se kanë kërcënuar gazetarin Osman Stafa pasditen e kësaj të premteje në aksin rrugor Librazhd–Elbasan.
Sipas policisë, bëhet fjalë për shtetasit me iniciale R. T., 33 vjeç, banues në Tiranë, dhe A. B., 31 vjeç, banues në Librazhd, ndaj të cilëve ka nisur procedim penal për veprën penale “Kanosja për shkak të detyrës”.
Sipas deklarimit të gazetarit Osman Stafa, gjatë lëvizjes në aksin rrugor Librazhd–Elbasan, pasi kishte filmuar marrjen e inerteve nga fadromat në Shkumbin, ai është ndjerë i kanosur nga dy personat e lartpërmendur që udhëtonin me një automjet.
Pas kryerjes së veprimeve të para hetimore dhe administrimit të provave, ndaj dy shtetasve nisi procedimi penal, ndërsa materialet procedurale i janë referuar Prokurorisë për veprime të mëtejshme.
LEXO EDHE:
Filmoi masakrën në Shkumbin, kërcënohet gazetari Osman Stafa
