Një 15-vjeçar ka humbur jetën paraditen e kësaj të mërkure, në një pishinë në Gjirokastër.
Sipas informacioneve paraprake, i mituri ishte futur për tu larë, kur në rrethana ende të paqarta ka humbur jetën.
Paraprakisht dyshohet se shkaku i vdekjes mund të ketë qenë infarkt, por ende nuk ka një konfirmim zyrtar dhe pritet ekspertiza mjeko-ligjore për të sqaruar shkaqet e sakta të ngjarjes.
Në vendngjarje ka mbërritur policia, e cila ka nisur hetimet dhe po shoqëron disa persona për t’u marrë në pyetje lidhur me rrethanat e ngjarjes.
“Rreth orës 10:00, në fshatin Mashkullorë, në një kompleks pushimi, një 15-vjeçar dyshohet se ka pësuar infarkt duke u larë në pishinë dhe për pasojë ka humbur jetën. Grupi hetimor vijon punën për dokumentimin e plotë të rrethanave të rastit”,– thuhej në njoftimin e Policisë.
