Detaje të reja kanë dalë nga ngjarja e ndodhur në zonën e rrugës Transballkanike, në lagjen “Pavarësia 3” në Vlorë, ku një i ri është plagosur me armë zjarri.
Sipas informacioneve paraprake, shtetasi rreth 30 vjeç, K. Lazaj, kishte qenë duke pirë kafe dhe më pas është larguar drejt automjetit të tij. Në atë moment, ai është afruar nga një person që e priste me motor.
Pas një diskutimi të shkurtër mes tyre, personi me motor ka nxjerrë armën dhe ka qëlluar të riun në këmbë, duke u larguar menjëherë nga vendngjarja.
I plagosuri është transportuar me urgjencë në spital, ku ndodhet jashtë rrezikut për jetën.
Ndërkohë, autori është larguar me motor dhe forcat e policisë po punojnë për identifikimin dhe kapjen e tij.
