Detaje të reja kanë dalë në dritë nga ngjarja e regjistruar ditën e djeshme në Korçë, ku në aksident gjatë operacionit u përfshinë dy efektivë policie, ku mbetën të plagosur.
Sipas burimeve, policia kishte konstatuar një person që dyshohet se kishte blerë lëndë narkotike nga Vangjush Dushku, kamarier në një lokal në fshatin Lumalas.
Gjatë ndjekjes së të dyshuarit, efektivët u përplasën me automjetin e tij, duke mbetur të plagosur.
Personi që po ndiqej nga policia u arrestua dhe gjatë kontrollit iu gjetën doza droge, të cilat dyshohet se i kishte blerë te Vangjush Dushku.
Në të njëjtën kohë, forca të tjera policie ushtruan kontroll në lokalin ku punonte Dushku. Gjatë kontrollit, policia gjeti doza të tjera narkotikësh si në trupin e kamarierit, ashtu edhe në ambientet e lokalit. Edhe Vangjush Dushku u vu në pranga.
Ndërkohë, pronari i lokalit është shpallur në kërkim, pasi dyshohet se ambienti përdorej për shitje të lëndëve narkotike.
Policia vijon hetimet për dokumentimin e plotë të rastit, ndërsa njëri nga efektivët e plagosur ndodhet në spitalin e Tiranës, jashtë rrezikut për jetën.
LEXO EDHE:
Operacion antidrogë në Korçë, arrestohet 1 person, plagosen 2 policë
