Genta Tafa Bungo, ish-anëtarja e Komisionit të Vettingut, u betua sot në Parlament si Komisionere Kundër Diskrimimit, duke zëvendësuar në këtë detyrë, Rober Gajden.
Gjatë betimit të saj, ajo hasi në kontestimin nga vendi të deputetëve opozitarë. Gazmend Bardhi u degjua teksa thoshte se ky është një turp. Sipas tij, Genta Tafa ka diskriminuar veriun kur ka qenë pjesë e procesit të vettingut.
“Ky është një turp kryetar, ajo zonjë (Genta Tafa Bungo) ka diskriminuar veriun, është përdorur politikisht, s’mund të shkojë në një institucion të pavarur. Është turp”, tha Gazment Bardhi.
