Kryedemokrati Sali Berisha, ka ngritur akuza këtë të hënë se autori i aksidentit të regjistruar në Durrës ku humbën jetën dy të mitur është patronazhist i PS-së.
Sipas Berishës, Nikoll Radaçi, njihej si problematik në zonë, sidomos në qarkullimin me shpejtësi por nuk është vënë në pranga sepse sipas tij ishte “terrorist i votove”.
“Të bësh teorira se të fortit, po kujt janë të fortit mor? Të fortit janë patronazhistë të poshtër që terrorizojnë qytetarët për pushtetin e krimit. Të fortit janë patronazhistë. Ai duhej arrestuar 10 herë, po s’desha të zgjatem në këtë pikë, dhe nuk u arrestua asnjëherë se ishte terrorist i votave. Nuk ka të fortë që s’i bën dot zap policia. Por ka polici të bërë zap nga të fortët e partisë, kjo është e vërteta”, tha Berisha në Kuvend.
