Policia e Tiranës ka vënë në pranga një 66-vjeçar, të cilit u gjetën 1000 fara kanabisi, gjatë kontrollit në automjetin e tij.
Sipas njoftimit zyrtar, tek Kthesa e Kamzës, shërbimet e Policisë kanë lokalizuar dhe ndaluar automjetin me drejtues shtetasin L. K, në automjetin e të cilit gjetën një qese me 1000 fara të dyshuara narkotike kanabis sativa.
“Në përfundim të veprimeve procedurale u arrestua në flagrancë shtetasi L. K., 66 vjeç, banues në Tiranë, si dhe u sekuestruan në cilësinë e provës materiale 1000 fara kanabis sativa”, njofton policia.
Materialet procedurale i kaluan Prokurorisë, për veprime të mëtejshme.
