Katër ambiente të përshtatura për organizimin e jashtëligjshëm të lojërave të fatit janë goditur nga policia në kryeqytet.
Gjatë operacionit, forcat e rendit kanë arrestuar pesë persona: Xhuljan Kaloshi, Klajment Çurri, Redion Muka, Edmond Ndreka dhe Klodjan Vishkurti.
Ndërkohë, dy të tjerë janë shpallur në kërkim. Të gjithë të ndaluarit dhe të shpallurit në kërkim rezultojnë të jenë pronarë, administratorë apo punonjës të këtyre ambienteve.
Policia ka sekuestruar 16 kompjutera të përdorur për lojëra fati, tavolina për lojën “Poker”, si dhe sende të tjera që shërbenin për këtë veprimtari të paligjshme.
