Një 42-vjeçar është arrestuar nga Policia në Kurbin, pasi u kap me armë zjarri pa leje dhe lëndë narkotike.
Sipas njoftimit të Policisë, gjatë ndërhyrjes, në ambientet e hotelit ku qëndronte shtetasi me iniciale A. K., i njohur edhe me një tjetër identitet (alias A. Ll.), u gjet një armë zjarri pistoletë, së bashku me krehër dhe fishekë.
Ndërkohë, gjatë kontrollit fizik, atij iu sekuestrua edhe një sasi lënde e dyshuar narkotike, e llojit kokainë.
Në cilësinë e provës materiale janë sekuestruar arma e zjarrit, municionet, lënda narkotike dhe dy telefona celularë.
Materialet procedurale i janë referuar Prokurorisë së Lezhës për veprime të mëtejshme.
