Presidenti i Shtetet e Bashkuara të Amerikës, Donald Trump, ka shkarkuar nga detyra Prokuroren e Përgjithshme, Pam Bondi, sipas një deklarate të bërë gjatë një interviste për Fox News.
Sipas raportimeve, në vend të saj pritet të emërohet përkohësisht Zëvendës Prokurori i Përgjithshëm, Todd Blanche, deri në një vendim të mëtejshëm për drejtimin e institucionit.
Mediat ndërkombëtare bëjnë me dije se shkarkimi i Bondit ishte paralajmëruar më herët, pasi vetë Trump kishte diskutuar mundësinë e largimit të saj nga detyram për shkak se nuk kishte trajtuar si duhet dosjen ‘Epstein’.
Burime pranë zhvillimeve tregojnë se biseda mes tyre ka qenë e tensionuar, ndërsa Trump kishte lënë të kuptohej se Bondi nuk do të qëndronte gjatë në këtë post dhe se zëvendësimi i saj ishte çështje kohe.
Kujtojmë se emri i Donald Trump, sipas mediave të huaja, përmendej më shumë se 1,000 herë në 3 milionë dokumentet e Jeffrey Epstein. Disa nga referencat ishin të mira, të tjerat përfshinin pretendime të zbuluara rishtazi për sulme seksuale të paverifikuara kundër Trump, si dhe detaje të reja rreth mënyrës se si disa nga viktimat e Epstein përshkruan ndërveprimet e tyre me presidentin e ardhshëm.
Po ashtu, dokumentet e publikuara rishtazi përmbanin një listë akuzash të paverifikuara për sulm kundër Trump, të përpiluara nga zyrtarët e FBI-së.
