Një operacion antidrogë i zhvilluar nga Policia e Shkodrës ka çuar në sekuestrimin e rreth 10 kilogramëve lëndë të dyshuar narkotike dhe arrestimin e një 41-vjeçari.
Sipas Policisë, në pranga u vu shtetasi Astrit Sheka, 41 vjeç, banues në fshatin Aliaj.
Gjatë kontrollit në një banesë të vjetër në pronësi të tij, policia gjeti një sasi prej rreth 10 kilogramësh lëndë të dyshuar Cannabis Sativa, e cila u sekuestrua si provë materiale.
Po ashtu, uniformat blu sekuestruan një automjet me targa të huaja dhe dy motobarka, të cilat dyshohet se do të përdoreshin për trafikimin e lëndës narkotike.
Materialet procedurale i janë referuar Prokurorisë së Shkodrës për veprime të mëtejshme.
