SPAK lexoi pretencën për 17 të pandehur si të dyshuar se kanë kultivuar përgjatë viteve 2021-2022 4 sera me kanabis në Berat, duke kërkuar në total dënimin e tyre me 133 vite burg. Ata po gjykohen me procedurë të shkurtuar dhe do të përfitojnë ulje të dënimit.
Për 4 nga të pandehurit, Bashkim Mema, Drita Mema, Izmire Mema dhe Edison Mema, u kërkuar pezullimi i dënimit me burg dhe vënia e tyre në provë në 3 vite.
Pretenca:
- Sadetin Hasaj 13 vite burg
- Blerim Xheka 13 vite burg
- Sidrit Bisha 10 vite burg
- Suad Smakaj 9 vite burg
- Jurgen Ujkaj 10 vite burg
- Samoel Lushaj 10 vite burg
- Endriol Xheka 9 vite burg
- Mirvaldo Disha 9 vite burg
- Hamdi Dyli 8 vite burg
- Arben Vrapi 6 vite burg
- Adiol Çifkiku 6 vite burg
- Lulzim Bushataj 5 vite burg
- Mustafa Manej 5 vite burg
- Bashkim Mema 5 vite burg
- Drita Mema 5 vite burg
- Izmire Mema 5 vite burg
- Edison Mema 5 vite burg
Kujtojmë se operacioni u bë më 10 nëntor 2022, gjatë të cilit u kap një sasi prej 870 kg kanabis si dhe u arrestuan të paktën 11 persona. Dy vite më pas me kërkesë të SPAK, GJKKO firmosi më 22 prill 2024 caktimin e masës së sigurisë personale “arrest në burg” për 9 persona.
Të pandehurit akuzohen për “Prodhimi dhe shitja e narkotikëve”, e kryer në formën e posaçme të bashkëpunimit, “Grup i Strukturuar Kriminal” dhe “Kryerja e veprave penale nga grupi i strukturuar kriminal”.
Ata ishin pjesë e aktivitetit kriminal që zhvillohej në Berat dhe në atë kohë thuajse gjithë komisariati i këtij qyteti u shkri ku u ndërmorën masa disiplinore si largim nga detyra apo shtyrje e afatit të gradimit për shkak se nuk zbuluan aktivitetin kriminal.
