Një ngjarje e rëndë tronditi këtë të martë fshatin Kuman të Fierit, ku një çift i moshuar mbetën të vrarë.
Ngjarja dyshohet pas një konflikti familjar, ku burri 80-vjeçar, Shefit Rrapaj vrau me pushkë gruan e tij Dashuri Rrapaj, 75-vjeçe dhe më pas veten.
Çifti kishte rreth 20 vite që jetonte në fshatin Kuman, pasi ishte zhvendosur nga Levani i Beratit.
Ata ishin prindër të 7 fëmijëve, 3 vajza dhe 4 djem, shumica e të cilëve jetojnë jashtë vendit.
Vetëm njëri prej djemve banonte me ta dhe është shoqëruar në komisariat për të dhënë dëshminë lidhur me ngjarjen.
Sipas raportimeve në familje kanë ekzistuar konflikte të vazhdueshme ndër vite.
Madje, vetëm katër ditë më parë, policia kishte ndërhyrë në banesën e tyre për të sqaruar mosmarrëveshjet mes çiftit.
Gjithashtu, mësohet se rreth 10 vite më parë, i moshuari kishte tentuar t’i jepte fund jetës me armë zjarri.
