Prokuroria e Posaçme kundër Korrupsionit dhe Krimit të Organizuar (SPAK) ka mbyllur hetimet dhe ka dërguar për gjykim ish zëvendës kryeministrin Arben Ahmetaj dhe 10 të pandehur të tjerë në lidhje me aferën e inceneratorëve.
Krahas Ahmetajt, për gjykim janë dërguar edhe biznesmenët Mirel Mërtiri, Klodian Zoto si dhe të pandehurit e tjerë A. M., E. H., A. B., E. D., G. K., H. B., S. G. dhe S.M.
Ndaj ish zëvendës kryeministrit Ahmetaj që ndodhet në arrati, SPAK ka ngritur 3 akuza: korrupsion pasiv i zyrtarëve të lartë, mosdeklarim dhe fshehje pasurie dhe pastrim parash.
Biznesmenët Mirel Mërtiri (alias Klodian Mërtiri) dhe Klodian Zoto akuzohen për korrupsion aktiv të funksionarëve të lartë dhe pastrim parash të kryer në bashkëpunim për të paktën 5 episode.
A. M. dhe E. H. kuzohen për mosdeklarim dhe fshehje pasurie dhe pastrim parash.
Ndërsa të pandehurit e tjerë A. B., E. D., G. K., H. B., S. G. dhe S.M janë akuzuar nga Prokuroria për pastrim parash.
