Një ditë pas aksidentit tragjik në Tiranë, është arrestuar shoferi i autobotit të UKT-së që përplasi për vdekje një 72-vjeçare që lëvizte me motor elektrik.
52-vjeçari u vu në pranga nga specialistët e qarkullimit rrugor, pasi mjeti që drejtonte u përfshi në aksidentin me pasojë vdekjen e gruas. Ngjarja ndodhi te bulevardi “Gjergj Fishta”, ndërsa 72-vjeçarja humbi jetën në vend.
“U bë sot arrestimi në flagrancë të shtetasit A. B., 52 vjeç, pasi dje, mjeti që drejtonte është përfshirë në një aksident rrugor, me pasojë vdekjen e shtetases A. B., 72 vjeçe, e cila lëvizte me motomjet elektrik”,- thuhet në njoftimin e Policisë.
