Një 48-vjeçar i shpallur në kërkim për kultivin dhe shitje të lëndëve narkotike, është arrestuar nga policia në Shkodër.
Sipas Policisë, në pranga ka rënë shtetasi me iniciale E. H, 48-vjeç, i cili dyshohet se ishte pjesë e një grupi kriminal të përfshirë në prodhimin dhe shitjen e lëndëve narkotike në këtë qytet, aktivitet i goditur më herët gjatë operacionit “Buna 2021”.
Gjykata e Shkallës së Parë e Juridiksionit të Përgjithshëm Shkodër e kishte dënuar këtë shtetas me 4 vjet e 8 muaj burgim për veprën penale “Prodhimi dhe shitja e narkotikëve”, kryer në bashkëpunim.
Pas arrestimit, materialet procedurale i janë referuar Prokuroria pranë Gjykatës së Shkallës së Parë të Juridiksionit të Përgjithshëm Shkodër, për vijimin e veprimeve të mëtejshme ligjore.
