Detaje të reja kanë dalë në dritë nga ngjarja e rëndë e regjistruar këtë të enjte në Tiranë, ku një pallat u përfshi nga flakët në zonën e Ali Demit.
Mësohet se si pasojë e tymit ka humbur jetën nga asfiksia një i moshuar. Sipas informacioneve në media, i moshuari ishte invalid dhe nuk ka mundur të dalë jashtë në momentin e zjarrit.
“Rreth orës 21:20, në rrugën “Ali Demi”, në katin e parë të banesës së shtetasit Th. Ll, 72 vjeç, ka rënë zjarr. Si pasojë dyshohet se ka humbur jetën 72-vjeçari”,- njoftoi Policia.
Grupi hetimor ndodhet në vendngjarje dhe po punon për përcaktimin e shkakut të rënies së zjarrit dhe sqarimin e plotë të rrethanave të rastit.
