Një aksident me pasojë vdekjen është regjistruar mbrëmjen e kësaj të marte në aksin rrugor dytësor Berat–Roshnik, në fshatin Duhanas.
Sipas Policisë, një 40 vjeçar i identifikuar si shtetasi, Saimir Rripi banues në Duhanas, duke drejtuar motomjetin, dyshohet se ka humbur kontrollin mbi drejtimin e tij dhe ka dalë nga rruga, duke rënë në kanalin kullues anës saj.
Si pasojë e përplasjes 40-vjeçari ka pësuar dëmtime të rënda dhe për pasojë ka ndërruar jetë.
Grupi hetimor po punon për sqarimin e rrethanave të aksidentit.
