Irani ka sulmuar sot Emiratet e Bashkuara Arabe me 137 raketa balistike dhe 209 dronë, ka theksuar Ministria e Mbrojtjes e Emirateve të Bashkuara Arabe në një deklaratë zyrtare.
Autoritetet ushtarake thanë se shumica e këtyre raketave dhe dronëve janë rrëzuar nga sistemet e mbrojtjes ajrore, por disa prej tyre kanë shkaktuar dëme materiale dhe viktima.
Ministria sqaroi se nga 137 raketat balistike, 132 u shkatërruan në ajër, ndërsa pesë ranë në det pa shkaktuar dëme të mëdha. Nga 209 dronët e lëshuar, 195 u ndalën nga mburojat ajrore, ndërsa 14 ranë brenda territorit të Emirateve, duke shkaktuar dëmtime të kufizuara materiale.
Një incident i lidhur me një dron të kapur nga mbrojtja ajrore në zonën e Zayed International Airport në Abu Dhabi çoi në vdekjen e një personi me shtetësi aziatike dhe shtatë të tjerë u plagosën, sipas autoriteteve të aeroportit.
Goditjet kanë shkaktuar gjithashtu dëme në infrastrukturën civile: shërbimet e aeroportit raportuan dëmtime në terminale, dhe kanë ndodhur zjarrëfikje në zona të ndryshme të Dubait, përfshirë Palm Jumeirah, Burj Al Arab, dhe portin Jebel Ali, për shkak të fragmenteve të raketave ose dronëve që ranë në terren.
Sulmi vjen në kuadër të përshkallëzimit të gjerë të konfliktit në Lindjen e Mesme, pas një serie sulmesh ajrore të Shteteve të Bashkuara dhe Izraelit ndaj Iranit që çuan edhe në vdekjen e Udhëheqësit Suprem të Iranit, Ali Khamenei.
