Pas lirimit nga burgu, ish-ministri i Mjedisit, Lefter Koka, i është rikthyer jetës normale.
Koka është parë në ambiente publike, ku ka kaluar kohë me miq në kafentë e Tiranës
Koka u arretua qe prej dhjetorit të vitit 2021 i akuzuar shpërdorim detyre, korrupsion dhe pastrim parash lidhur me aferat korruptive për Inceneratorin e Fierit.
Sipas akuzave të SPAK, për inceneratorin e Fierit u paguan 4 milionë euro për punë që nuk u kryen asnjëherë, ndërsa 60 milionë lekë është dëmi i shkaktuar në buxhetin e shtetit në skemën e mashtrimit.
Vendimi i fundit i Gjykatës së Posaçme shoi masën e sigurisë që e mbante në burg për dosjen e inceneratorit të Fierit, duke i hapur rrugë daljes së tij nga qelia.
