Policia e Elbasanit ka vënë në pranga një 32-vjeçar nga Peqini.
Ai u lokalizua në fshatin Bradashesh, duke drejtuar një automjet tip “Audi”, në pjesën e përparme të të cilit kishte vendosur fenelina të ngjashme me ato të Policisë.
Qëllimi i përdorimit të tyre ishte kamuflimi si mjet zyrtar dhe shmangia e kontrolleve nga shërbimet e rendit.
Gjatë kontrollit të automjetit, shërbimet e Policisë gjetën një armë zjarri pistoletë me fishekë.
Armën, fenelinat dhe automjetin e përdorur, Policia i sekuestroi në cilësinë e provës materiale.
