Janë zbardhur emrat e shqiptarëve të dënuar në burgun grek Domokos, që u kapën me thika dhe celularë gjatë bastisjes së realizuar nga autoritetet greke mëngjesin e kësaj të mërkure.
Sipas mediave greke, operacioni ka çuar në zbulimin e armëve të ftohta, pajisjeve telefonike dhe objekteve të tjera të ndaluara, të cilat mund të ishin përdorur për aktivitete të paligjshme brenda burgut.
Më konkretisht shqiptarët që janë kapur me këto mjete janë:
- Dashamir Çobo, 56 vjeç, nga Vlora,
- Andon Dvorani, 61 vjeç, nga Korça,
- Nikoll Nikolli, alias Anton Gjoka, 48 vjeç,
- Enton Çeku, 55 vjeç, nga Tirana,
- Gentian Isufi, 49 vjeç, nga Memaliaj,
- Andi Selim, 44 vjeç,
- Alban Xhebexhiu, alias Franko Sharka, 35 vjeç, si dhe një sirian dhe një rumun.
Për personat e latpërmendur, nëndrejtoria e Hetimit dhe Ndjekjes Penale të Krimeve në Lamia, ngriti akuza për shkelje të legjislacionit mbi armët dhe për rrezikimin e paqes.
Gjatë kontrollit të organizuar në 40 qeli dhe zona të tjera të përbashkëta të burgut, u gjetën objekte të rrezikshme si më poshtë:
-
14 thika të improvizuara,
-
5 shkopinj të bërë në kushte të burgut,
-
Teh metalik 18 cm të gjatë,
-
Copë metali e ngushtë dhe 23 cm e gjatë,
-
Këllëf i improvizuar për thikë, 22 cm i gjatë,
-
Majë metalike në formë shtize 7 cm të gjatë,
-
Rul thikë i improvizuar,
-
6 celularë me gjithsej 6 karta SIM dhe 4 karikues.
Mjetet sipas raportimeve janë sekuestruar nga autoritetet në cilësinë e provës materiale.
