Një 41-vjeçar i identifikuar si, Jetar Bajaziti është arrestuar nga Policia në Fier pasi akuzohet për armbëmbajtje pa leje.
Sipas Policisë, Bajaziti është kapur me një armë zjarri tip pistoletë në makinë me 5 fishekë krerër.
Ndërkohë në makinë me të ishte dhe 21-vjeçari Alessio Llupi, pasagjer në automjet i cili është proceduar penalisht për veprën penale “Moskallëzim krimi”.
Po ashtu, gjatë kontrollit të një servisi në pronësi të shtetasit Jetar Bajaziti, është gjetur dhe një armë sportive tip pushkë ajrore, e sekuestruar në cilësinë e provës materiale.
“Shërbimet e Komisariatit të Policisë Fier, bazuar në informacionet e siguruara, organizuan dhe finalizuan operacionin policor të koduar “Guns”. Në kuadër të këtij operacioni u arrestuan shtetasit J. B., 41 vjeç, dhe A. Ll., 21 vjeç, të dy banues në Fier. Gjatë kontrollit të automjetit që drejtonte shtetasi J. B., shërbimet e Policisë gjetën dhe sekuestruan një armë zjarri tip pistoletë, me 5 fishekë në krehër. Më pas, gjatë kontrollit të një servisi në pronësi të shtetasit J. B., u gjet dhe u sekuestrua një armë sportive tip pushkë ajrore”, thuhet në njoftimin e policisë.
Materialet procedurale iu referuan Prokurorisë së Fierit për veprat penale “Mbajtja pa leje dhe prodhimi i armëve, armëve shpërthyese dhe i municionit”, dhe “Prodhimi dhe mbajtja pa leje e armëve të gjuetisë dhe sportive”.
